Міжнародны фестываль класічнай музыкі "Студзеньскія музычныя вечары" адбудзецца ў Брэсце. У рамках форуму 9–12 студзеня свае дасягненні прадставяць музыканты з 10 краін.
Дырэктар і мастацкі кіраўнік фестывалю, старшыня Брэсцкага абласнога музычнага таварыства Лілія Батырава адзначыла, што гледачоў чакае насычаная праграма.
Падзеі пройдуць на дзвюх пляцоўках: у Брэсцкім акадэмічным тэатры драмы і Брэсцкім дзяржаўным музычным каледжы імя Р. Шырмы.