Для розных пакаленняў жыццё і ўчынкі выбітных людзей з'яўляюцца каштоўнасным арыенцірам у жыцці, прыкладам духоўнага пошуку і сапраўднай любові да Чалавека і Айчыны. Акрамя ваенных і духоўных подзвігаў, яны вядомыя і неацэнным укладам у асвету і культуру.
У Слановай зале Мірскага замка працуе часовая экспазіцыя васкавых фігур "Тайная вячэра. Святыя заступнікі Айчыны".
Васкавыя фігуры князя Уладзіміра і княгіні Вольгі, Аляксандра Неўскага, Еўфрасінні Полацкай, Серафіма Сароўскага, А.С. Пушкіна, Ф.М. Дастаеўскага і іншых вядомых людзей будуць прадстаўлены ў экспазіцыі.
Наглядныя прыклады з жыцця вялікіх падзвіжнікаў дазваляюць асэнсаваць маральныя прынцыпы, прыроду ўнутранай барацьбы Чалавека паміж дабром і злом, атрымаць натхненне для спраў міласэрнасці і подзвігу.
Тэматычным акцэнтам экспазіцыі стане кампазіцыя "Тайная вячэра", выкананая па матывах аднайменнага роспісу Леанарда Да Вінчы. Фігуры Хрыста і апосталаў, якія сядзяць за сталом, прадстаўлены ў натуральнай велічыні, што дазволіць гледачам у рэальнасці адчуць сваю прысутнасць на гэтым таямнічым дзеянні.
Азнаёміцца з часовай экспазіцыяй можна па 31 жніўня.