На падмостках Рэспубліканскага тэатра беларускай драматургіі 16 і 17 снежня адбудзецца прэм'ера спектакля "Забалоцце". Далей..
На падмостках Магілёўскага абласнога драматычнага тэатра адзначыў Дзень нараджэння гастролямі Мікалай Каляда, вядомы расійскі драматург, акцёр, тэатральны рэжысёр, празаік, сцэнарыст, Заслужаны дзеяч мастацтваў Расійскай Федэрацыі, лаўрэат Міжнароднай прэміі імя К.С. Станіслаўскага, стваральнік і мастацкі кіраўнік “Каляда-тэатра”. Далей..
Танцуе Сільва, плача Джульета, жартуе Разалінда. У Беларускім дзяржаўным акадэмічным музычным тэатры — аншлаг. На сцэне — народная артыстка Беларусі Маргарыта Александровіч. Далей..
Заслужаны калектыў Рэспублікі Беларусь “Гомельскі абласны драматычны тэатр” рэалізуе адмысловую відэапраграму ў гонар 80-годдзя вызвалення Беларусі ад нямецка-фашысцкіх захопнікаў. Далей..
Беларускі дзяржаўны тэатр юнага гледача, узяўшы ўпэўнены курс на творы школьнай праграмы, гэтым разам прадставіў “Навальніцу” А. Астроўскага. Прэм’ера, пазначаная ўзроставым цэнзам 12+, прыпала на Тыдзень бацькоўскай любові: першыя два паказы прайшлі 16 і 17 кастрычніка. Зала з безліччу прыстаўных крэслаў была запоўнена цалкам — пераважна падлеткамі, добры адсотак якіх складалі сувораўцы. Далей..
Прэм’ерны спектакль “Плачу за любоў” у Новым драматычным тэатры карыстаецца неверагодным поспехам: усе квіткі раскуплены, па замове калектываў прызначаюцца дадатковыя паказы. “Вінаватая” назва? Ці ёсць штосьці яшчэ — са спасылкай на сарафаннае радыё? Далей..
3 лістапада народная артыстка Беларусі Зінаіда Зубкова спраўляе цудоўны юбілей — 85 гадоў. З іх 63 (лічыце, усё свядомае жыццё, пачынаючы са студэнцтва) аддадзены Нацыянальнаму акадэмічнаму тэатру імя Янкі Купалы. Далей..
Несцерка — герой вандроўны, ён з’яўляецца тут і там. У свой час завітваў на сцэны ледзь не ўсіх нашых тэатраў, уключаючы Музычны, стаў візітоўкай трупы імя Якуба Коласа ў Віцебску, патрапіў у кіно і анімацыю і, нарэшце, паўстаў у аднайменным мюзікле-эскападзе ў Бабруйску — у Магілёўскім абласным тэатры драмы і камедыі імя В. Дуніна-Марцінкевіча. Далей..
У снежні 2024-га будзе святкавацца векавы юбілей беларускага кіно. Але мерапрыемствы да гэтай круглай даты пачаліся ўжо цяпер: у Нацыянальным акадэмічным драматычным тэатры імя М. Горкага прайшоў майстар-клас заслужанага дзеяча мастацтваў Рэспублікі Беларусь, лаўрэата Дзяржаўнай прэміі СССР, рэжысёра Вячаслава Нікіфарава. Далей..
3 лістапада народная артыстка Беларусі Зінаіда Зубкова справіла цудоўны юбілей — 85 гадоў. З іх 63 (лічыце, усё свядомае жыццё, пачынаючы са студэнцтва) аддадзены Нацыянальнаму акадэмічнаму тэатру імя Янкі Купалы. Далей..
Вялікі тэатр Беларусі — адзін з найважнейшых сімвалаў нашай краіны, які заўсёды трымае высокі стандарт якасці, — адзначае 90-годдзе сёлета, у Год міру і стварэння. Стварэнне заўсёды накіравана на тое, каб захаваць і палепшыць свет, зрабіць яго больш гарманічным. Як Вялікі тэатр на працягу амаль стагоддзя працуе ў гэтым кірунку? Пра стваральную сілу мастацтва, асабісты вопыт у ім і музычна-эстэтычную асвету мы пагутарылі з генеральным дырэктарам Нацыянальнага акадэмічнага Вялікага тэатра оперы і балета Рэспублікі Беларусь, доктарам мастацтвазнаўства, прафесарам Кацярынай Мікалаеўнай Дулавай. Далей..
Міжнародныя форумы, збіраючы людзей з розных куткоў свету, дадаткова пераконваюць, што неабходна звяртацца да нацыянальнай тэмы. Не абмінуў яе і ХХVII тэатральны фестываль “Белая вежа”, на якім былі прадстаўлены дзевяць краін. Дарэчы, колькасць дзяржаўудзельніц брэсцкай дзеі за ўсе гады перавысіла шэсць дзясяткаў. Далей..
Новы сезон Гомельскі абласны драматычны тэатр пачаў 20 верасня. Вядома, з нядаўніх прэм’ер. Сярод іх —“Жаніцьба Бальзамінава”, што з’явілася ў рэпертуары ў чэрвені, сакавіцкія “Дзве гадзіны шчасця”, больш ранняя патрыятычная пастаноўка “Пайсці і не вярнуцца” паводле Васіля Быкава (яе творчая каманда ў канцы месяца запрошана на Міжнародны фестываль “Радзіма мая…” у Смаленску). А 23 і 24 верасня гомельскім тэатралам прапанавалі пастаноўку “Нос маёра Кавалёва”, першыя паказы якой завяршалі ліпеньскую афішу. Далей..
ХХVII Міжнародны тэатральны фестываль “Белая вежа”, які працягваўся больш за тыдзень, завяршыўся 16 верасня. Гран-пры сярод амаль 30 пастановак з 9 краін атрымаў спектакль “Навальніца. Апокрыф” з Масквы. Але вынікі форуму і асабліва назіранні за ім не вычэрпваюцца толькі пералікам пераможцаў. Далей..
Рэспубліканскі тэатр беларускай драматургіі адкрыў 32-і сезон, названы “Сезон скарбаў”, нядаўняй прэм’ерай. Гэта “Карней” паводле твораў Уладзіміра Караткевіча. Далей..
Пачатак верасня ў горадзе над Бугам праходзіць пад знакам XXVII Міжнароднага тэатральнага фестывалю “Белая вежа”. Вядома, рыхтуюцца да яго ўвесь год, а апошнія арганізацыйныя штрыхі ўносяць напярэдадні ўлетку. Але сёлета тут адбылася яшчэ адна вельмі важная падзея, звязаная з планамі і пашырэннем інтэрнацыянальнага супрацоўніцтва. Далей..
Трупа класічнага балета Беларускага дзяржаўнага акадэмічнага музычнага тэатра завяршыла вялікія гастролі ў Кітаі. Яны былі адноўлены пасля трохгадовага перапынку, выкліканага супрацькавіднымі абмежаваннямі. Далей..
Маладзёжны тэатр эстрады толькі ў сярэдзіне верасня распачне сезон. Але і ў перапынку паміж папярэднім і новым артысты запатрабаваныя: яны і ў Мінску на адкрытых пляцоўках працавалі, і на культурна-спартыўным фестывалі “Вытокі. Крок да Алімпа” ў Касцюковічах паказалі 19 жніўня прэм’ерны мюзікл “Брыялін”. Далей..
У Аляксандраўскім скверы прайшоў квэст-канцэрт "Пасвячэнне ў творцы". Далей..
Адзначаючы 135-годдзе, Магілёўскі драматычны тэатр у канцы сезона аднавіў вельмі прыгожа аформленую камедыю “Рамантыкі” — з шыкоўнымі льнянымі строямі. А ўвесну рэпертуар калектыву папоўніўся незвычайным спектаклем “Соня”. Далей..
Заканчэнне сезона ТЮГ адзначыў прэм’ерай. Гэта сумесная з тэатрам “ТрыТфармаТ” праца — “Майстар і Маргарыта”. Далей..
“Фаўст” І. Гётэ — класіка, што будзе чытацца і перачытвацца вечна. Гэтым разам паэму ўвасобілі ў Нацыянальным акадэмічным драматычным тэатры імя М. Горкага — пад назвай “Фаўст. Здзелка з д’яблам”. Далей..
У ліпені Нацыянальны акадэмічны тэатр імя Янкі Купалы прэзентаваў прэм’еру для дзяцей — “Казку аб мёртвай царэўне”. Але і закрыўшы сезон, артысты працягваюць радаваць прыхільнікаў — не спектаклямі, дык канцэртамі. Не ў зале, дык на адкрытым паветры. Далей..
У канцы сезона ў Новым драматычным тэатры з’явіліся “Прымакі”. І назіральнікі за тым, як суседзі сваімі жонкамі памяняліся ды пайшлі ў прымы, ёсць цяпер не толькі ў глядзельнай зале, але і на сцэне. Дык хто каго “перагледзіць”? Далей..
Узяўшы курс на падлеткаў і ўвасабляючы адзін за адным творы школьнай праграмы, Беларускі дзяржаўны акадэмічны тэатр юнага гледача не забываецца і пра зусім маленькіх: “Не Вожык” пазначаны ўзроставым цэнзам 0+. Далей..
Зрабіць гэта цяпер прасцей: дастаткова дачакацца пачатку новага сезона і прыдбаць квіток на аднайменны спектакль Беларускага дзяржаўнага маладзёжнага тэатра. “Мільянерка” паводле Шоу дапаможа! Далей..
Да Дня Незалежнасці і вызвалення Беларусі ад нямецка-фашысцкіх захопнікаў Дзяржаўны акадэмічны музычны тэатр падрыхтаваў прыпавесць “Барані мяне, любая”, прэм’ера якой адбылася 5 ліпеня. Наша размова — з маладым рэжысёрам-пастаноўшчыкам патрыятычнага спектакля Валерыяй Чыгілейчык. Далей..
Пра існаванне ў Мінску Камернага драматычнага тэатра я дазнаўся, толькі калі атрымаў прапанову яго наведаць. Нагода — прэм’ера спектакля “Ехай!”. Імя драматурга Ніны Садур на афішы таксама мне ні аб чым не гаварыла. Ну не тэатрал, што тут зробіш! А творчасць Ніны Садур, між тым, як пасля высветліў, пазіцыянуецца як “не для водаправодчыкаў”. І вось мы ў тэатры… Далей..
Эстэтыка абсурду, знаёмая заходняму мастацтву амаль стагоддзе, застаецца спецыфічнай для нашага культурнага асяроддзя, штораз быццам гаворачы: “Вось я і прыйшла!” Да яе візіту ў Рэспубліканскім тэатры беларускай драматургіі падрыхтаваліся грунтоўна, папярэдне настроіўшы і артыстаў, і гледачоў. Далей..
Нацыянальны акадэмічны драматычны тэатр імя М. Горкага пакажа свае спектаклі ў Расіі з 26 чэрвеня па 2 ліпеня. Далей..