Абласны тур рэспубліканскага фестывалю роўных магчымасцей “Час моцных” прайшоў у Магілёўскім абласным метадычным цэнтры народнай творчасці і культурна-асветнай работы. Мерапрыемства сабрала больш за 70 удзельнікаў з усіх куткоў Магілёўскай вобласці. Канкурсанты праявілі сябе ў вакальным, харэаграфічным, тэатральным, дэкаратыўна-прыкладным мастацтве. Кожны па-свойму распавёў пра тое, што ў яго на душы праз сваю творчасць, праз песню ці саламяную ляльку.
У літаратурна-музычнай гасцёўні “Сустрэчы” Смаргонскай раённай бібліятэкі адбылася сустрэча-прэзентацыя “Самабытнасць у мастацтве” ў сувязі з выхадам новай кнігі смаргонскай журналісткі Галіны Антонавай “Космас Анатоля Антонава”.