Сёння, 17 кастрычніка, адзначаецца 20-я гадавіна Канвенцыі ЮНЕСКА аб ахове нематэрыяльнай культурнай спадчыны, а таксама Міжнародны дзень нематэрыяльнай культурнай спадчыны.
Беларусь – адна з першых краін у свеце, якая далучылася да Канвенцыі і ўвайшла ў склад Міжурадавага камітэта па ахове нематэрыяльнай культурнай спадчыны ЮНЕСКА.
Наша краіна надзвычай багата сваёй нематэрыяльнай культурнай спадчынай, якая засталася нам ад продкаў.
Нематэрыяльная культурная спадчына – гэта жывая спадчына, якая пастаянна развіваецца, мае сваіх носьбітаў і перадаецца з пакалення ў пакаленне.
Дзяржавай праводзіцца вялізная праца па папулярызацыі спадчыны на міжнародным і нацыянальным узроўні.
На сённяшні дзень у спісы ЮНЕСКА ўключана 5 беларускіх элементаў.
У Дзяржаўны спіс гісторыка-культурных каштоўнасцей Беларусі Рэспублікі Беларусь унесена 178 праяў, якія прадстаўлены 1470 носьбітамі жывой спадчыны.
