У Брэсце працуе выстава драўлянай скульптуры да 80-годдзя народнага майстра Івана Супрунчыка.
Персанальную экспазіцыю «Майстар. Творцы. Паляшук» можна ўбачыць у выставачнай зале Брэсцкага абласнога грамадска-культурнага цэнтра. Праект уключае каля 90 прац, у тым ліку 60 скульптур і прыкладна тры дзясяткі графічных карцін. Работы Івана Філіпавіча адлюстроўваюць старажытныя абрады і традыцыі, філасофію і побыт палешукоў.
Выстава будзе працаваць да 13 лістапада.