28 кастрычніка ў ДУК “Цэнтр культуры і народнай творчасці Пастаўскага раёна” адбыўся раённы конкурс беларускіх гульнёвых праграм “Кола забаў”. Мэта – прапаганда беларускіх народных гульняў, абуджэнне цікавасці да народнай культуры, выхаванне беражных адносін да культурнай спадчыны свайго народа, выхаванне пачуцця партнёрства ў сумеснай дзейнасці і пашырэнне культурных межаў.

У конкурсе прымалі ўдзел творчыя работнікі сельскіх клубных устаноў раёна. Большасць праграм былі дзіцячымі, у сувязі з гэтым да ўдзелу ў праграмах былі запрошаны вучні пачатковых класаў ДУА “Сярэдняя школа №3 г. Паставы”.  Па выніках конкурсу былі вылучаны пераможцы ў 4 намінацыях.

Дыпломам “Лепшая тэматычная гульнёвая праграма” быў узнагароджны філіял № 12 "Волкаўскі сельскі клуб"; дыплом у намінацыі “Лепшая сюжэтна- гульнёвая праграма” атрымалі творчыя работнікі філіяла № 7 "Дунілавіцкі сельскі Дом культуры"; дыплом за “Майстэрства вядучага гульнёвых праграм” быў уручаны ўдзельнікам з філіяла № 5 “Гуцкі сацыльна-культурны цэнтр”, а дыпломам за “Лепшую сцэнарную распрацоўку гульнёвай праграмы” узнагароджана загадчыца філіяла № 14 “Палескі сельскі клуб”.