Фонды музея-сядзібы «Пружанскі палацык» папоўніліся рэдкім экспанатам.
Гэты рарытэт – пячатка правадыра дваранства Пружанскага павета другой паловы XIX стагоддзя. У музей яе перадаў мецэнат Аляксандр Зайцаў.
Пячатка выраблена з бронзы, круглай формы, каля 31 мм у дыяметры. Унутры намаляваны двухгаловы арол, на грудзях якога выгравіраваны герб Пружанскага павета. Экспанат перададзены ў музей на пастаяннае захоўванне. «Мы яшчэ абдумваем пытанне, як пячатку дастойна прэзентаваць», — растлумачыла дырэктар музея-сядзібы.