На працягу дзесяці дзён у выставачнай зале арганізуюць некалькі захапляльных заняткаў. Так, акцёры будуць чытаць навагоднія казкі, дэманстраваць лялькі і тэатральны рэквізіт, майстры і ўмельцы правядуць серыю майстар-класаў па тэмах "Самая арыгінальная ёлка", "Крэатыўны валёнак", "Гламурныя рукавіцы" і "Ёлачная цацка", музейныя работнікі падрыхтавалі тэматычнае "Навагодняе падарожжа".
Акрамя таго, магіляўчан і гасцей горада чакаюць віктарыны, гульні і загадкі, для аматараў сэлфі будзе арганізавана святочная фотазона.
Урачыстае адкрыццё запланавана на сёння, 21 снежня.
