У Гомельскім абласным драматычным тэатры прадставяць новы спектакль. Прэм'ера камедыі "Рабі дабро — збівай з тропу!" па п'есе маскоўскага драматурга Ігара Глінкова адбудзецца 20-22 снежня.
Па сюжэце ў кабінет лекара заяўляецца анёл, які некалі быў простым чалавекам. Следам за ім прыходзіць другі пацыент — прадстаўнік злых сіл, таксама "вылучаны на пасаду" са звычайных грамадзян.
Гледачы стануць сведкамі незвычайнага паядынку паміж двума наведнікамі. Арбітрам у ім стане гаспадар лекарскага кабінета.