Творчы вечар "Ветразь лёсу" беларускага літаратара Навума Гальпяровіча адбудзецца 17 студзеня ў галерэі "Лабірынт" Нацыянальнай бібліятэкі.
У мерапрыемстве паўдзельнічаюць вядомыя айчынныя тэле- і радыёвядучыя. Там прагучаць запісы песень на вершы паэта. Кожны ахвотны зможа пагутарыць з майстрам слова пра творчасць і задаць пытанні. Акрамя таго, у рамках імпрэзы прэзентуюць выставу-прагляд выданняў з фонду Нацыянальнай бібліятэкі Беларусі, якія адлюстроўваюць шматгранны шлях Навума Гальпяровіча.
Пачатак а 16.00. Уваход вольны.