У Беларускім дзяржаўным музеі гісторыі Вялікай Айчыннай вайны прадставяць выставачны праект "Аляксандр Дзямарын. Адчуваючы сэрцам", прымеркаваны да 85-годдзя з дня нараджэння мастака.
Часовая экспазіцыя ўяўляе сабой рэтраспектыву твораў Аляксандра Дзямарына, выкананых у розныя перыяды яго жыцця. Аснову экспазіцыі складаюць графічныя аркушы, створаныя да літаратурных твораў беларускіх і рускіх пісьменнікаў. Дапаўняюць выставу дакументы, фотаматэрыялы і асабістыя рэчы мастака з архіва сям'і.
У рамках працы часовай экспазіцыі адбудуцца куратарскія экскурсіі – 17, 24, 31 сакавіка і 7, 14 красавіка.
Урачыстае адкрыццё — 15 сакавіка а 15-й гадзіне.
