Сёння, 18 сакавіка, Беларусь і Іран адзначаюць значную падзею — трыццацігоддзе ўстанаўлення дыпламатычных адносін.
“Гэта добрая нагода, каб вывесці наша супрацоўніцтва на новы ўзровень”, — адзначыў Кіраўнік беларускай дзяржавы падчас афіцыйнага візіту ў Іран. Перагаворы Прэзідэнта Беларусі Аляксандра Лукашэнкі з Прэзідэнтам Ірана Эбрахімам Раісі прайшлі ў Тэгеране 13 сакавіка.
“Беларуска-іранскія адносіны заўсёды знаходзіліся на ўздыме”, — адзначыў іранскі лідар і заўважыў, што ў апошнія два гады яны прадэманстравалі сапраўдны прарыў. “Несумненна, ваш візіт у Іран надасць сур’ёзны вялікі імпульс развіццю нашых двухбаковых адносін”, — заявіў Эбрахім Раісі.
Так і адбылося: па выніках насычаных перагавораў бакі дасягнулі многіх дамоўленасцей. Частка з іх была замацавана на паперы, іншыя стануць асновай для новых сумесных праектаў. Аляксандр Лукашэнка падкрэсліў, што цяпер для Беларусі і Ірана галоўнае не страціць час. У Тэгеране ж візіт беларускага лідара назвалі пераломным момантам і адпраўным пунктам для пабудовы болей глыбокіх адносін.
Аляксандр Лукашэнка і Эбрахім Раісі падпісалі дарожную карту ўсебаковага супрацоўніцтва паміж краінамі на 2023—2026 гады. Дакумент прадугледжвае ўзаемадзеянне Беларусі і Ірана ў палітычнай, эканамічнай, консульскай, навуковатэхнічнай сферах, а таксама ў сферы адукацыі, культуры, мастацтва, СМІ і турызму.
“У агульным аб’ёме я магу ацаніць гэты візіт, калі мы рэалізуем усе нашы дамоўленасці, у рамках $100 млн”, — сказаў Кіраўнік беларускай дзяржавы па выніках перагавораў.
Таксама у рамках візіту былі падпісаны Мемарандум аб узаемаразуменні паміж Міністэрствам культуры Беларусі і Міністэрствам культуры і ісламскай арыентацыі Ісламскай Рэспублікі Іран у сферы культуры і мастацтва. Згодна з мемарандумам, бакі маюць намер развіваць супрацоўніцтва ў сферы культуры і мастацтва па наступных кірунках:
Па выніках перагавораў таксама быў падпісаны план мерапрыемстваў з нагоды 30-годдзя ўстанаўлення дыпламатычных адносін паміж Беларуссю і Іранам, а таксама іншыя ўзгадненні.