20 жніўня ў аграгарадку Жупраны адбудзецца свята "Вясковыя сыравары", бо мясцовыя кулінары славяцца майстэрствам сыраробства і толькі раз на год — у свята сыру — гатовыя падзяліцца з гасцямі сваімі рэцэптамі.
А рэцэптаў шмат, бо сыры бываюць цвёрдыя і мяккія, салодкія і салёныя, плаўленыя і тварожныя, сулугуні і брынза, сырніцы і сырныя аладкі…. Разыначка сырнага свята — кірмаш-продаж прадукцыі з яе дэгустацыяй. Акрамя таго, чакаюцца і майстар-класы. А яшчэ работнікі культуры падрыхтавалі для ўдзельнікаў вялікі канцэрт.
Дыяна БЕНЕДЗІСЮК
загадчык аддзела культуры і вольнага часу аграгарадка Жупраны