Фестываль музыкі "Мінская вясна" 38-ы раз стартаваў у Беларускай дзяржаўнай філармоніі. "Мінская вясна" адкрылася канцэртам Дзяржаўнага акадэмічнага сімфанічнага аркестра ў дзень нараджэння Сяргея Рахманінава.
7 красавіка ўпершыню прадставяць музыку вядомага расійскага і таджыкскага кампазітара, народнага артыста Рэспублікі Таджыкістан Талібхана Шахідзі.
Цяперашняя "Мінская вясна" азнаменаваная важнай падзеяй – 60-годдзем, як у Белдзяржфілармоніі з'явіўся канцэртны арган. У Вялікай зале ў рамках цыкла "Шэдэўры сусветнага арганнага мастацтва" адбудзецца сольны канцэрт заслужанага артыста Расіі Аляксандра Фісейскага.
Фінальным акордам фестывалю стане канцэрт Дзяржаўнага камернага аркестра 24 мая.
