У Віцебскай абласной філармоніі 20 красавіка раскажуць аб творчасці выбітнага савецкага кампазітара Аляксандры Пахмутавай.
Аляксандра Пахмутава была знакамітая на ўвесь Савецкі Саюз і за яго межамі. Яна стала аўтарам больш за 450 песень, найбольш вядомыя з якіх: "Беловежская пуща", "Надежда", "Нежность", "Поклонимся великим тем годам…" і многіх іншых хітоў свайго часу.
Вядучая цыклу лекцый-канцэртаў Ad libitum, прысвечаных мастацтву XX стагоддзя, Кацярына Дыбаль раскажа гледачам пра асноўныя вехі жыцця і творчасці кампазітара, а артысты філармоніі праілюструюць аповед майстэрскім выкананнем песень Аляксандры Пахмутавай.
Пачатак у 19.00.
