Шклоўская раённая бібліятэка 21 красавіка падрыхтавала яркае і цікавае свята ў рамках Бібліяночы–2023. Бліжэй да вечара бібліятэка сабрала шмат гасцей. Жыхары горада і раёна змаглі азнаёміцца з навінкамі літаратуры, паўдзельнічаць у віктарыне і іншых культурных мерапрыемствах.
Абыякавых не пакінулі і творчыя сустрэчы з цікавымі людзьмі. Гэта і брыфінг з дзіцячай пісьменніцай Жанай Міус, членам Саюза пісьменнікаў Беларусі, а таксама іншымі творчымі асобамі.
Праграма аказалася вельмі насычанай і разнастайнай: фотазона "Я люблю бібліятэку", літаратурная гасцёўня "Бібліятэка збірае сяброў", лялечны паказ "Чытай – церамок", майстар-клас "Кніжная закладка сваімі рукамі" і гульнявая пляцоўка "Чытаем, граем, творым".
