Смаргонскі цэнтр культуры арганізаваў маштабную шоу-праграму "Хіты для ўсіх пакаленняў". Акцёры Смаргонскага цэнтра культуры пры ўдзеле аматарскага тэатра "СМОЛТ" пераўвасобіліся ў розных персанажаў. На суботні вечар завіталі і Чарлі Чаплін, і Мэрылін Манро, і Іхтыяндр, і шмат хто яшчэ.
На сцэне гучалі песні і музыка, а таксама выконваліся танцы з самых вядомых кінафільмаў, такіх як "Чалавек-амфібія", "17 імгненняў вясны", "Не нарадзіся прыгожай", "Рыа-Рыта", "Доўгае развітанне" і "Тытанік".