Мінскі міжнародны кінафестываль "Лістапад" адчыніць свае дзверы для знатакоў кінамастацтва з 4 па 11 лістапада. Віцэ-прэм'ер адзначыў, што будучы фестываль – выдатная пляцоўка для наладжвання трывалых дзелавых і творчых сувязей, абмену вопытам і добры, дзейсны інструмент міжкультурнай камунікацыі.

– У мінулым годзе, дзякуючы прафесійнай работы каманды арганізатараў у фестывалі прынялі ўдзел прадстаўнікі рэкорднай колькасці краін – 54. Пашырылася геаграфія ўдзельнікаў, паднялі і якасную планку. На гэты год мы павінны паставіць сабе новую мэту і ўзяць новую вышыню. У сувязі з гэтым на арганізатараў і на дырэкцыю кінафестывалю кладзецца вельмі вялікая і адказная работа па забеспячэнні высокага ўзроўню правядзення гэтага міжнароднага форуму", – падкрэсліў Ігар Петрышэнка.

Год гістарычнай памяці – цэнтральная тэма ўсяго фестывалю. Віцэ-прэм'ер адзначыў, што падтрымку фестывалю акажа "Беларусьфільм" са сваёй калекцыяй кінакарцін. Акрамя таго, у Мінску запланаваны сустрэчы з кінематаграфістамі і артыстамі для развіцця і ўдасканалення кінаіндустрыі стран-удзельніц.

Паводле слоў Ігара Петрышэнкі, перад арганізатарамі стаіць шмат задач. “Ёсць пытанні, да вырашэння якіх неабходна падыходзіць вельмі ўважліва і з усёй адказнасцю. Гэта запрашэнне замежных гасцей і ўдзельнікаў, падбор саставаў журы конкурсных праграм, пошук партнёраў і спонсараў, новых форм узаемадзеяння прадстаўнікоў кінематаграфічнай супольнасці. Асаблівую ўвагу заслугоўвае прапрацоўка кандыдатур на ўручэнне спецыяльнага прыза Прэзідэнта "За захаванне і развіццё традыцый духоўнасці ў кінамастацтве" і прыза "За гуманізм і духоўнасць у кіно", – рэзюмаваў віцэ-прэм'ер.