У Паставах з 9 па 11 чэрвеня пройдзе Міжнародны фестываль народнай музыкі "Звіняць цымбалы і гармонік".
У фестывалі прымуць удзел больш чым трыста музыкаў з Беларусі, Расіі, Казахстана, Латвіі. Акрамя таго, студэнты Віцебскага дзяржаўнага ўніверсітэта імя П. М. Машэрава прадставяць народную творчасць Кітая і Туркменістана.
Госці фестывалю таксама змогуць наведаць "Пастаўскі баль", павесяліцца на дыскатэцы дыджэяў Віцебскай вобласці і паназіраць за святочным феерверкам.