Дні культуры Беларусі ў Кыргызскай Рэспубліцы пройдуць 13—14 чэрвеня. У праграме — Дні беларускага кіно, выстава элементаў нематэрыяльнай культурнай спадчыны, гала-канцэрт айчынных майстроў мастацтваў. Адбудуцца перамовы беларускай дэлегацыі з кіраўніцтвам Міністэрства культуры, інфармацыі, спорту і моладзевай палітыкі Кыргызскай Рэспублікі.
Урачыстае адкрыццё Дзён культуры правядуць у Кыргызскім нацыянальным ордэна У. І. Леніна акадэмічным тэатры оперы і балета імя Абдыласа Малдыбаева з удзелам Заслужанага калектыву Рэспублікі Беларусь Дзяржаўнага ансамбля танца Беларусі, народнага артыста Беларусі Уладзіміра Громава, заслужаных артыстаў Рэспублікі Беларусь Алёны Ланской, Жанет.
У кінатэатры “Манас” у Бішкеку пакажуць фільмы “Падрыў”, “Страла”, анімацыйныя стужкі “Зоркі сёмага неба”, “Тошка і яго сябры”.
На адмысловай выставе будуць прэзентаваны звычаі ажурнага ткацтва Гарадоцкага раёна і традыцыйнае мастацтва маляваных дываноў Віцебскага Паазер’я.
Таксама запланаваны сустрэчы з кіраўнікамі вядучых тэатральнавідовішчных устаноў і ўстаноў адукацыі ў сферы культуры Кыргызстана.