Свята ў стылі эпохі ранняга сярэднявечча "У госці да радзімічаў" пройдзе ў Чавускім раёне 29 ліпеня.
У аграгарадку Радамля будзе абсталявана пляцоўка, якая ўяўляе сабой музей пад адкрытым небам. У рамках свята адновяць карціну цэнтраў традыцыйных заняткаў людзей X-XII стагоддзяў: ткацтва, ганчарства, прыгатаванне традыцыйных страў. Запланаваны паказальныя баі рэканструктараў і тэматычны канцэрт "Ад мінулага ды сучаснага" з удзелам фальклорных ансамбляў. А для дзяцей арганізатары падрыхтавалі квэст і атракцыёны ў духу сярэднявечча.
Пачатак мерапрыемства ў 17.00.
