У Міністэрстве культуры адбылася апаратная нарада міністра культуры Анатолія Маркевіча з кіраўнікамі ўпраўленняў і аддзелаў ведамства.
На пасяджэнні абмяркоўвалася падрыхтоўка мерапрыемстваў, прымеркаваных да святкавання Дня работнікаў культуры і 70-годдзя міністэрства.
Таксама разглядаліся пытанні аказання дзяржаўнымі ўстановамі культуры паслуг па арганізацыі культурна-відовішчных мерапрыемстваў суб'ектам грамадскага харчавання, гандлю і турызму.
Акрамя таго, ішла гаворка аб арганізацыі сумесных праектаў па лініі Пастаяннага камітэта Саюзнай Дзяржавы, экранізацыі рамана Мікалая Чаргінца «Аперацыя "Кроў"» і далейшых работ у палацава-паркавым комплексе ў Свяцку Гродзенскага раёна і Свята-Успенскім Жыровіцкім манастыры ў Слонімскім раёне.